Saturday, November 27, 2010

அரபிப் பதத்தின் விளக்கம் - 3


23.மகாமு மஹ்மூத் - புகழப்படும் அந்தஸ்த்து என்று பொருள்.மறுமையில் நீதி விசாரணைக்கு முன்பு மக்கள் வேதனையால் துன்புறும் பொழுது அதிலிருந்து அவர்களைக்காப்பாற்றும் பொருட்டு அல்லாஹ்வின் பரிந்துரை செய்யும் மிகப்பெரிய அந்தஸ்த்தை நபி (ஸல்)அவர்களுக்கே மட்டும் அல்லாஹ் வழங்குவான்.

24.மிஸ்ர் - இதன் சொற்பொருள் பட்டணம் என்பதாகும்.இஸ்லாமிய வழக்கில் இறைத்தூதர் மூஸா (அலை )அவர்கள் பிறந்த எகிப்து நாட்டினை குறிக்கும்.

25.முஸ்தலிஃபா - மக்காவிலுள்ள மினாவுக்கும் அரபாத்துக்கும் இடையில் உள்ள ஓர் இடமாகும்.ஹாஜிகள் அரஃபாவில் இருந்து வந்து முஸ்தலிஃபாவில் ஓர் இரவு தங்குவது ஹஜ்ஜின் கடமைகளுள் ஒன்றாகும்.

26.முஹர்ரம் - இஸ்லாமிய ஆண்டின் முதல் மாதமாகும்.

27.முஹாஜிர் - இதன் பொருள் இறைப் பொருத்தத்திற்காக இடம் பெயர்வோர் என்பதாகும்.அண்ணல் நபி (ஸல்) அவர்களுடன் மக்காவில் இருந்து மதீனாவுக்கு கிளம்பியவர்கள் முஹாஜிரீன்கள் எனப்படுவர்.ஓரிறையை நிராகரிக்கும் ஆட்சியிலிருந்து தம்முடைய இறை நம்பிக்கையை காத்துக்கொள்ளவும்,இறைவன் தடுத்துள்ளதை விட்டும் தன் ஆத்மாவை காத்துகொள்ளவும் இடம் பெயர்பவர்களை முஹாஜிரீன்கள் எனக்கருதப்படுவர்.இறை மார்க்கத்தை பின்பற்றிட தடைகள் ஏற்படும் பொழுது தம் தாய் நாட்டை துறந்து வேற்றிடம் செல்பவர் என்றும் பொருள் கொள்ளலாம்.

28.யஸ்ரிப் - பெருமானார் (ஸல்) அவர்கள் ஹிஜ்ரத்துக்கு முன்பு மதீனாவின் பெயர் யஸ்ரிப் ஆகும்.எனவே இது மதீனாவின் பழைய பெயர் என்றும் கொள்ளலாம்.

29.ரமளான் - இஸ்லாமிய மாதங்களின் வரிசையில் இது ஒன்பதாவது மாதமாகும்.இம்மாதத்தில்தான் ஐம்பெரும் கடமைகளில் நான்காவது கடமையான நோன்பு நோற்கப்படுகின்றது.குர் ஆனில் குறிப்பிடப்படும் ஒரே மாதத்தின் பெயரும் இதுதான்.குர் ஆன் முதன் முதலாக பூமியில் இறங்கிய இரவும் இந்த மாதத்தில்த்தான் உள்ளது.

30.ரலி - ரலி என்பது ரலியல்லாஹு அன்ஹு என்றும் கருதலாம்.
இதன் பொருள் அல்லாஹ் அவரைப்பொருதிக்கொள்வானாக! என்பதாகும்.இது நபித் தோழர்களின் பெயருக்குப்பின்னால் சொல்லப்படுபவை.

31.ரஹ் - இது ரஹ்மதுல்லாஹி அலைஹி என்பதின் சுருக்கமாகும்.இதன் பொருள் அல்லாஹ்வின் அருள் அவர் மீது உண்டாவதாக என்பதாகும்.இது நபித்தோழர்களுக்கு பிறகு வந்த நல்லடியார்களின் பெயர்கள் சொல்லப்படும் பொழுது உபயோகப்படுத்தப்படும்.

32.வஹீ - அறிபவரையும்,அறிவிக்கப்படுபவரையும் தவிர மற்றவர் அறிய முடியாத வண்ணம் விரைவாக செய்தி அறிவிப்பது,இதயத்தில் உதிப்பைத்தோற்றுவிப்பது என்பது பொருளாகும்.இஸ்லாமிய மொழி மரபில் வஹீ என்பது இறைவன் மனிதர்களில் இருந்து யாரை நபியாக தேர்வு செய்கின்றானோ அவருக்கு தன்னுடைய செய்திகளை அறிவிப்பதாகும்.வானவர் மூலம் இறைத்தூதர்களுக்கு இறைவனால் அனுப்பப்படும் இறைச்செய்தி.

33.ஸல் - ஸல்லல்லாஹு அலைஹிவஸல்லம் என்ற பிரார்த்தனையின் சுருக்கமே இது இறைவனின் கருணையும் அமைதியும் உண்டாவதாக!என்பதே இதன் பொருள்.நாயகம் ஸல் அவர்களின் பெயர் உச்சரிக்கபடும் குறிப்பிடப்படும் போதெல்லாம் இதனை சொல்வது முஸ்லிம்களின் கடமையாகும்.இதனை சலவாத் என்பர்,

34.ஸலாம் - இது அஸ்ஸலாமு அலைக்கும் என்பதை குறிப்பதாகும்.இதன் பொருள் இறைவனின் சாந்தியும் சமாதானமும் உங்கள் மீது உண்டாவதாக என்பதாகும்.இது உலக முஸ்லிம்கள் ஒருவருக்கொருவர் அளித்துக்கொள்ளும் முகமனும் வாழ்த்தும் ஆகும்.

35.ஸுன்னத் - இதன் பொருள் வழி முறை என்பதாகும்.அண்ணல் நபி(ஸல்) அவர்களின் பழக்க வழக்கங்கள் நடைமுறைகள்,மேலும் அவர்கள் காட்டித்தந்த வழிமுறைகள் ஆகியவையே ஸுன்னத் ஆகும்.

36ஸுஜூது - இது தலையை தரையில் வைத்துப்பணிதல் என்பதனினைக்குறிக்கும்.இது இறைவனுக்காக மட்டுமே செய்யபட வேண்டுமே அன்றி வேறு எதற்கும் எவருக்கும் செய்யக்கூடாது என்று இஸ்லாம் பணிகின்றது.

37.ஜிப்ரீல்(அலை) - இறைவனுக்கு நெருக்கமான நாண்கு வானவர்களுள் இவரும் ஒருவர்.வானவர்களின் தலைவரும் இவரே.இவர்கள்தான் இறைத்தூதர்களுக்கு வஹீ (இறைச்செய்தி) கொண்டு வந்த வானவர்.



6 comments:

asiya omar said...

நல்ல பணி தொடரட்டும் தோழி.

Starjan ( ஸ்டார்ஜன் ) said...

எல்லோரும் தெரிந்து கொள்ளவேண்டியவை. பகிர்வுக்கு நன்றி ஸாதிகா அக்கா.

ஜெய்லானி said...

ஜஸாக்குமுலாஹ் க்கைர்

அந்நியன் 2 said...

அரபியின் பதத்தை அற்ப்புதமாக தமிழில் விளக்கியதற்கு, அல்லாஹ் உங்களுக்கும், உங்கள் குடும்பத்தினருக்கும், இம்மையிலும், மறுமையிலும், நற்சுகத்தை தந்தருள்வானாக ஆமின் !

ஸாதிகா said...

ஆசியா,ஸ்டார்ஜன்,ஜெய்லானி,அந்நியன் அனைவருக்கும் என் அன்பு நன்றிகள்!

ஸாதிகா said...

சகோதரி,உங்களைத்தொடர் பதிவுக்கு அழைத்துள்ளேன்.பதிவைத்தொடர விரும்பி அழைக்கின்றேன்.இங்கு கிளிக் செய்து பாருங்கள்